I ftuar z. Ardian Kalia

Sot, në mjedisin e bibliotekës së New York Schools, u zhvillua një takim me të ftuarin z. Ardian Kalia, jurist me një eksperiencë të gjerë në fushën e drejtësisë, në veçanti për mbrojtjen e të drejtave të fëmijëve. Biseda zgjoi interesin e nxënësve lidhur me ligjet që veprojnë në vendin tonë ndaj veprave penale dhe përgjegjësisë që fëmijët kanë në këto raste. Një nga çështjet që u diskutua ishte Ligji 111/2017, për ndihmën juridike të garantuar nga shteti, me qëllim mbrojtjen e të drejtave themelore të individit në një shtet demokratik. Të tilla takime janë të vlefshme për një edukim sa më të gjithanshëm dhe qytetar të të rinjve.