Dita Ndërkombëtare e Gjuhës Amtare

“Gjuha është identiteti i një kombi”. Referuar kësaj thënieje dhe në kuadër të 21 shkurtit, Ditës Ndërkombëtare të Gjuhës Amtare, në mjediset e gjimnazit “New York Schools”, ishte e ftuar profesoresha e gjuhës shqipe në Universitetin e Tiranës, Kristina Jorgaqi.

Përveç momenteve kyçe në historinë e gjuhës shqipe, përmes diskutimit dhe pyetjeve të nxënësve, doli në pah nevoja e ruajtjes dhe zhvillimit të gjuhës, e mbi të gjitha nevoja e një ligji që e mbron atë.

Për t’u ardhur në ndihmë nxënësve me tekste të thjeshta dhe rregulla të përdorimit të gjuhës në përditshmëri, studiuesja i dhuroi bibliotekës së shkollës librin “Sportel i hapur i shqipes”. Nxënësit shprehën gjithashtu dëshirën për të ndjekur në auditoret e studentëve, një tjetër leksion nga profesoreshe Kristina Jorgaqi.