Glejdi Meta

Vitet e mia në “New York High School” mbetën një nga eksperiencat më me vlerë në zhvillimin tim personal, akademik, dhe profesional. Unë quhem Grejdi Meta, momentalisht i vendosur në Toronto, Kanada dhe me punë si Analist Financiar pranë CPP Investments. Krahas kujtimeve të shumta me shoqërinë (që mbetet e afërt edhe pas 8 vitesh), “New York High School” ka formësuar karakterin tim dhe përgatitjen e mëvonshme, profesionale, e akademike.

Dijet e marra në lëndët shkencore, në NYHS, ndikuan pozitivisht në parapërgatitjen time për studimet në fushën e financës dhe ekonomisë. Nga ana tjetër, lëndët shoqërore ndihmuan në gjykimin racional dhe punën kërkimore që kam kryer përgjatë universitetit. Përveç njohurive të marra, stafi akademik i “New York High School” ishte i aftë të zhvillonte dhe të nxirrte në pah aftësi të transferueshme dhe analitike, duke e bërë më se të thjeshtë përftimin e menjëhershëm të dijeve, në eksperiencat e mia të reja. Pikërisht për këto arsye besoj se ato vite në NYHS, do të mbeten të dobishme dhe do t’i kujtoj me dashuri, përgjatë gjithë jetës time.

Përzemërsisht, Grejdi Meta